ព័ត៍មានអំពីទីក្រុងភ្នំពេញ

ភ្នំពេញ គឺជារាជធានីរបស់ ព្រះរាជាណាចក្រកម្ពុជា ដែលមានប្រជាជនរស់នៅច្រើនជាងមួយលាននាក់ និង ជាទីក្រុងធំលំដាប់ទី១ ដែលមានប្រជាជនរស់នៅច្រើនជាងគេក្នុងប្រទេសកម្ពុជា ។ ក្រុងភ្នំពេញ ជាមជ្ឈមណ្ឌលពាណិជ្ជកម្មដែលប្រមូលផ្ដុំទៅដោយ សំណង់អាគារលំនៅដ្ឋាន សាលារៀន មន្ទីពេទ្យ វត្តអារាម ទីផ្សារដោះដូរមុខទំនិញ លើមុខជំនួញជួញដូរ ទាំងក្នុងស្រុក និង ក្រៅស្រុក ក្នុងលំហូរសាច់ប្រាក់ជាអតិបរមា ដែលរួមបញ្ចូលទាំងសេដ្ឋកិច្ចទីផ្សារ សង្គមកិច្ច និង នយោបាយ ដែលនាំឱ្យទីក្រុងទាំងមូលក្លាយជាទីកន្លែងរស់នៅប្រកបដោយភាពសម្បូរបែប ។

តំបន់ទស្សនៈកិច្ច

កន្លែងកម្សាន្ត

សួនសត្វភ្នំពេញសាហ្វារី

សួនសត្វភ្នំពេញសាហ្វារី មានសត្វជាច្រើនចម្រុះគ្នារហូតដល់ប្រមាណ ៨៩ប្រភេទដែល អាចអោយអ្នក ទស្សនាបានប្លែកភ្នែក សប្បាយចិត្ត ថែមទាំងបានទស្សនានូវការសម្តែង ពិសេស ពីសត្វបួនប្រភេទរួមមាន ៖ សត្វក្រពើ សត្វបក្សី សត្វខ្លា និងសត្វអ៊ូរ៉ង់អ៊ូតង់ ជាដើម ដែលសុទ្ធសឹងតែត្រូវបានបង្ហាត់បង្រៀនដោយយកចិត្តទុកដាក់ពីគ្រូជំនាញ។

Garden city water park

រមណីយដ្ឋាននេះគឺជាតំបន់ទឹកធ្លាក់ពីធម្មជាតិ កំពស់២៧ម៉ែត្រ មានល្បាក់ថ្មភ្នំ៣ជាន់ ក្នុងល្បាក់ថ្មនីមួយៗមានបណ្តោយ ៤២ម៉ែត្រ និងទទឹង ៣៥ម៉ែត្រ ហូរធ្លាក់ចុះមកកាន់ព្រែកកំពង់បាយ។ ភ្ញៀវទេសចរសរសើមិនដាច់ពីមាត់បន្ទាប់ពីបានមករមណីយដ្ឋានដែលមានទឹកធ្លាក់ដ៏ត្រជាក់ ព្រមទាំងមានទេសភាពគួអោយទាក់ទាញ និងប្រាថ្នាចង់មកលេងម្តងទៀតនៅពេលក្រោយ។

ការជ៊ិទូកកំសាន្តតាមមាត់ទន្លេ

នៅពេលមកដល់រាជធានីភ្នំពេញ ភ្ញៀវទេសចរជាតិ និងអន្តរជាតិតែងជ្រើសរើសកន្លែងកម្សាន្ត ទៅតាមចំណង់ចំណូលចិត្តរបស់ខ្លួន អ្នកខ្លះចូលទស្សនាព្រះបរមរាជវាំង សារមន្ទីរជាតិ សារ មន្ទីរប្រល័យពូជសាសន៍ទួលស្លែង និងឡើងលេងរមណីយដ្ឋានវត្តភ្នំជាដើម។ ជាមួយគ្នានេះ សម្រាប់ការ ជ្រើសរើសយកការជិះទូកកម្សាន្តក៏ជាជម្រើសមួយល្អដែលអ្នកទេសចរ មិនគួរ មើលរំលង ខណៈពេលចូលមកលេងក្នុងរាជធានីភ្នំពេញ។